АА: Денес бевме сведоци на маскенбал кој само РКЕ може да го претстави
Денес бевме сведоци на маскенбал кој само РКЕ може да го претстави. При презентацијата на можните тарифни блокови (тарифни пакети) за високата дневна тарифа, врз основа на кои ќе се наплатува потрошувачката на електрична енергија по 01.07.2022 година, тие презентираа дека првиот тарифен блок ќе биде од 0 до 210 kWh, вториот тарифен блок од 211 до 420 kWh, третиот блок од 421 до 630 kWh и четвртиот блок над 630 kWh. Но, токму во оваа призма лежи измамата и дезинформирањето на потрошувачите, се вели во рекцијата на Алијанса за Албанците.
-Ако до денес на секој клиент му се подготвуваше фактура за период до 30 дена, сега со новиот предлог овој временски период ќе биде 35 дена. Ако во првиот блок до 210 kWh за 30 дена наплата просекот би бил 7 kWh на ден, додека за 35 дневно фактурирање просекот е 6 kWh, па така и во другите блокови …, тоа е класичен трик, бидејќи ако продолжува да се наплатува како досега во период од 30 дена, првиот блок би бил до 180 kWh, а не како што е прогласен сега до 210 kWh, вториот блок би бил до 360 kWh, а не како што е прогласен до 420 kWh, третиот блок би бил до 540 kWh и не како што се прокламира до 630 kWh, а четвртиот блок над 540 kWh, а не како што се прокламира над 630 kWh.
Но, не само во овој аспект, туку и во делот на блоковите има многу недостатоци и неизвесности.
За нормално функционирање на нашите домови, тие се преполни со различни уреди, без кои е тешко да се замисли општ живот. Сите овие апарати трошат одредена количина електрична енергија.
Врз основа на некои споредбени параметри, дневната потрошувачка на овие уреди е околу 25 kWh дневно (машина за перење, туш кабина, фрижидер, електричен шпорет за готвење, машина за миење садови, лаптоп, телевизор, пегла и правосмукалка) но, не и клима уреди или други апарати за греење, испаѓа семејство со средни приходи да троши еден месец некаде околу 750 kWh или поделено на висока тарифа 470 kWh и 280 kWh по ниска тарифа.
За оваа потрошувачка на струја денеска по тековни цени потрошувачот ќе плати 4.875 00 денари
470 * 7,32 = 3,440,40 денари
280 * 3,67 = 1.027,60 денари
ДДВ 223,38 денари
Осветлување стр. 184,00 денари
ВКУПНО 4.875,00 ден
Сега со имплементација на блок тарифи но, за оваа наплата до 30 дена, како и со презентациите дека во првиот блок цената нема да се менува, а во четвртиот блок цената ќе биде на ниво на индустриската тарифа, а за втората и третата такса е просек помеѓу овие две цени, фактурата ќе биде во износ од 5.448,00 денари.
180 * 7,32 = 1,317,60 денари
180 * 8,68 = 1.562,40 денари
110 * 10,05 = 1,105,50 денари
280 * 3,67 = 1.027,60 денари
ДДВ 250,65 денари
Осветлување стр. 184,00 денари
ВКУПНО 5.448,00 ден
Значи разликата е 573,00 денари или 11,75%, дополнителна вредност која треба да ја плати потрошувачот со таква потрошувачка што ја земавме за пример. Значи, зголемувањето е 11,75% а не како што РКЕ се обидува да прикаже дека ќе има само 5% или 6% пораст.
АА будно ги следеше овие случувања, во неколку говори пред јавното мислење со факти ја презентираше ароганцијата, неодговорноста и непрофесионалноста на РКЕ, даде конкретни предлози, но истите не беа земени предвид од оваа институција.
Во наредните денови АА ќе излезе со конкретни позиции на оваа тема“, стои во нивната реакција доставена до медиумите по електронски пат.
06.06.2022 - 20:15
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
