Ахмети: Гоце Делчев држел говори пред Албанците со кече на главата, со него соработувале албански патриоти
Лидерот на ДУИ, Али Ахмети на вечерашниот митинг рече дека Гоце Делчев соработувал со Албански и Македонски патриоти, пренесе ТВ21 додавајќи дека не се кае за тоа што изјавил дека треба да се почитува неговата мисија, односно како што вели тој – делчевизмот.
Ахмети од Скопје додава дека Делчев говори држел и пред Албанците со кече на главата.
-Ако имаат малку почит за Гоце Делчев, нека разберат дека тој со кече на главата држел говори пред Албанците. Ако се наследници на Гоце Делчев оваа кандидатура треба да ги направи среќни. Ако се наследници на Гоце Делчев кој ги обединувал луѓето и не ги двоел. Ги молам сите да се присебни, затоа што Албанец премиер не само што ќе ја зајакне безбедноста и мирот, туку ќе ја подобри и економијата во земјата“, додаде Ахмети, јавува репортерот на ТВ21.
Лидерот на ДУИ ова го истакна на своето обраќање, вечерва на Камениот мост во Скопје.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа