Алијанса за Албанците-Алтернатива: Указот на претседателот Бајден ја погодува корупцијата, Владата да не манипулира

Од коалицијата Алијанса за Албанците-Алтернатива го поздравуваат како што велат извршниот налог на претседателот на Соединетите Американски Држави, Џо Бајден, кој според оценките на оваа коалиција, им дава големи овластувања на Министерството за финансии во консултација со државниот секретар.

„Оваа наредба на одделот одобрува воведување санкции за лица одговорни за корупција во регионот, кои се вклучени во злоупотреба на јавни средства, злоупотреба на приватен имот за лична или политичка корист или вмешани во мито. Алијансата за Албанците од основањето е сериозно заинтересирана за расчистување на политичката сцена од такви елементи кои стануваат пречка за развојот на РСМ во сите димензии, како и на патот на интеграцијата во Европската унија“, се вели во соопштението од оваа коалиција.

Од таму како што велат се убедени дека коруптивни елементи имало во сите претходни влади како и во сегашната, потврдени и во извештајот на Транспаренси Интернешнл, и ја оценуваат како несериозна тенденцијата на заменик премиерот за борба против корупцијата како и владата да го сокријат целосниот неуспех во борбата против криминалот и корупцијата, пристапувајќи како што велат, кон оваа наредба само од политичката призма на Охридскиот и на Преспанскиот договор.

„Овие два документи за нас се веќе неспорни, но ве потсетуваме дека примарна цел на оваа наредба се санкциите против поединци кои се одговорни за корупција“, стои во писмената реакција од коалицијата.

Макфакс

09.06.2021 - 17:17

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега