Андрикин за Сител: ОБСЕ-ОДИХР ќе даде оценка еден ден по изборите
Наш приоритет е безбедноста на набљудувачите и граѓаните на земјата домаќин и ќе го минимизираме нашиот епидемиолошки „отпечаток“ во земјата, истакна шефицата на мисијата на ОБСЕ/ОДИХР во Македонија, Лаима Андрикин во интервју за Сител.
Вели дека мисијата за изборите во Србија имаше истиот формат.
-И тоа беше Специјална мисија за проценка на изборите, и за претседателските избори во Полска имавме ист формат и во Хрватска за изборите минатата недела мисијата беше дури и помала, рече Аникин.
Појаснува дека ОБСЕ/ОДИХР не го набљудуваат само избирачкиот ден, туку целиот изборен процес.
-Нашите аналитичари ги покриваат темите како изборна администрација, регистрација на гласачи, изборна кампања, политичка кампања, финансирањето на кампањата, механизмите за поплаки и спорови, медиумското покривање на кампањата и целокупната правна рамка за изборниот процес, вели Аникин.
Вели дека во случајот на Македонија има една точка плус, а тоа е сеопфатен мониторинг на медиумите во кампањата.
-Ова веруваме дека ќе придонесе кон нашата оценка за изборниот процес, рече Андрикин.
ОБСЕ/ОДИХР на 16 јули се очекува да го презентира прелиминарниот извештај за тоа како поминал целиот изборен процес.
Андрикин за Сител: ОБСЕ-ОДИХР ќе даде оценка еден ден по изборите
Posted by Сител ТВ on Saturday, 11 July 2020
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа