Апарат предупредува дека за 10 до 30 секунди ќе има земјотрес, пред да се случи ударот

Тајванскиот научник Ву Ји-Мин направи апарат, направа која во иднина би можела да спаси многу човечки животи, затоа што овозможува регистрирање на земјотрес пред да се случи.

Направата функционира на тој начин што реагира на т.н. хоризонтални, С – бранови кои се јавуваат при сеизмички активности во длабочината на земјата.

Регистрирајќи ги овие бранови, направата предупредува дека за 10 – 30 секунди ќе има земјотрес, пред да се случи големиот удар.

Тој временски период е повеќе од доволен за луѓето да можат да излезат од затворени простории и на тој начин да се спречат големи катастрофи.

Справата е веќе тестирана во Калифонија каде е утврдено дека регистрирањето на С-брановите е успешно, а кога справата би се поврзала во компјутерска мрежа, тогаш резултатите од предупредувањето можат да се пренесат на голем број на луѓе, на глобално ниво.

Ву Ји-Мин во иднина планира  и производство на подвижни уреди кои ќе регистрираат земјотреси, а би работеле независно од сеизмолошката служба.

 
 
14.09.2016 - 09:10

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега