Беџети: Да не се крати од административците, туку од функционерите со натпросечни плати

Доколку вработените во јавната адинистрација се сведат на минималец, ќе се заштедат околу 35 милиони евра за два месеци, покажуваат пресметките на универзитетскиот професор и академик Абдулменаф Беџети. Како што изјави тој во Топ Тема на Телма, владата не треба да презема таков чекор, бидејќи, според него, јавниот сектор е една од најпогодените групи на граѓани во оваа криза.

 

-Треба да знаеме дека оваа значителна група на граѓани се изложени кај банките со различни долгови. Само кај банките се некаде 140.000 станови под хипотека. Ако сметаме 2-3 члена по семејство, ќе испадне дека пола милион популација има обврски. Па, еве ќе речеме дека банките ќе ги пролонгираат обврските, меѓутоа тоа не им помага – вели Беџети.

Тој смета дека со ваква мерка на кратење треба да бидат опфатени избраните и именуваните функционери чија плата е над износот од просечната плата во државата, која сега изнесува околу 27.500 денари.

 

 

 

Добивајте вести на Viber

31.03.2020 - 08:25

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега