Берлин на нозе: Во кабинетот на Ангела Меркел откриен шпион- со години работел за една странса земја

Лице кое со години шпионирало за египетската разузнавачка служба е откриено во канцеларијата на германската канцеларка Ангела Меркел.

Соработник на главниот портпарол на германската влада, Стивен Киберт, бил изложен како египетски агент.

Вработен во службата за печат и информации на германската влада е осомничен дека работел за египетската разузнавачка служба последниве неколку години.

Федералната криминална служба презеде „извршни мерки“ против тоа лице во декември минатата година, по наредба на Федералното обвинителство, се наведува во извештајот за безбедност, кој е претставен во Берлин.

Истрагата против тоа лице сè уште трае.

Обвинителството потврди за германски „Билд“ дека е покрената истрага против тоа лице поради сомневање за разузнавачки активности.

Според „Билд“, тој е државен службеник на средно ниво во владата.

Федералната служба за печат не сака да го коментира случајот, потенцирајќи дека тие не се мешаат во тековните истраги.

Фокусот на активностите на египетската разузнавачка служба во Германија е да собере информации за египетската опозиција што живее во таа земја, се наведува во својот годишен извештај Службата за заштита на уставноста.

Во исто време, додаваат тие, фокусот на египетските разузнувачи првенствено е членовите на „Исламското братство“.

 

 

 

Добивајте вести на Viber

10.07.2020 - 13:13

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега