Царовска од Струмица: Социјалната помош ќе биде во висина на износ близок до минималната плата

 

Министерката за труд и социјална политика Мила Царовска денеска на средба со жителите на Струмица разговараше за придобивките од влезот на Македонија во ЕУ и НАТО. Царовска на граѓаните од врата до врата им порача дека со ЕУ и НАТО интеграциите во државата ќе се подобрува животниот стандард, а институциите ќе станат сервис на народот. 

„Забрзано работиме на социјалната реформа со која социјалната помош ќе биде во висина на износ близок до минималната плата , но и најранливите ќе добијат обуки за унапредување или стекнување на нови вештини за да може да се извлечат на пазарот на трудот и долгорочно да се вработат. Одлуката за иднината на Македонија да ја донесеме во заедништво. Опозицијата и сите кои се двоумат да го поддржат референдумот и да се приклучат заедно да ја однесеме државата кон подобра иднина во ЕУ и НАТО“, изјави министерката Царовска во Струмица.

Посетата на Струмица министерката ја искористи да се сретне со вработените во Центарот за социјални работи, и со градоначалникот на Општина Струмица, Коста Јаневски.

 

 

 

 

14.09.2018 - 21:00

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега