Чајџилница во Тетово работела по 21 часот - уапсен сопственикот
Синоќа околу 22 часот и 30 минути тетовски полицајци лишиле од слобода сопственик на угостителски објект-чајџилница која работела вон дозволеното работно време за време на пандемија. Во локалот имало пет гости.
-Полициски службеници на СВР Тетово го лишиле од слобода 59-годишниот тетовец Ш.И., чиј угостителски објект (чајџилница) на улица „Ленин“ во Тетово работел по дозволеното време и во него престојувале пет лица. Тој бил задржан во Полициската станица Тетово и по целосно расчистување и документирање на случајот ќе му биде изготвен поднесок по член 206 од Кривичниот законик за сторено кривично дело „непостапување според здравствени прописи за време на епидемија“, информира Марјан Јосифоски, портпарол на СВР Тетово.
Полицијата и понатаму евидентира и луѓе кои не се придржуваат до мерките за заштита од Ковид-19 и не носат маски. За 24 часа во периодот 24-25 јануари изготвени се 29 платни налози на тетовското подрачје.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
