Чулев ги посети полициските службеници во Тетово

Министерот за внатрешни работи Наќе Чулев вечерва во Тетово беше во посета на полициските службеници кои се наоѓаат на неколку пунктови низ градот. Тој со нив разговараше околу преземањето активности за контрола на спроведувањето на мерките за ограничување на движењето, донесени од страна на Владата.

Сега, повеќе од било кога, важно е да веруваме во полициските службеници, да ги поддржуваме и да соработуваме со нив, затоа што тие се луѓето кои имаат тешка и одговорна задача. Тие имаат обврска со активностите кои ги преземаат да дадат личен придонес и да застанат исправени пред обврската која им е доверена, а тоа е да ја заштитат целата нација од невидливиот непријател со кој се бори државата, но и целиот свет. Јас како министер за внатрешни работи убеден сум дека тоа го прават со сето свое срце, истакна Чулев.

Тој ги посети полицајците распоредени кај Универзитетот во Тетово и кај градскиот плоштад.

Вечерва сум во Тетово, ги посетувам полициските службеници кои на повеќе пунктови преземаат активности за контрола на...

Posted by Наќе Чулев on Monday, 30 March 2020

30.03.2020 - 21:49

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега