Дебар и Центар Жупа утре седум часа без вода
Општините Дебар и Центар Жупа, кои со вода за пиење се снабдуваат од водоводот Росоки-Дебар, утре во периодот од 9:00 до 16:00 часот ќе имаат прекин во водоснабдувањето.
Според Мазлум Леши, директор на Јавното комунално претпријатие „Стандрад“,кое стопанисува со водоводот, прекинот е поради техничка интервенција на каптажата во Росоки, што ќе ја врши екипа стручни лица од Скопје, заедно со вработените на претпријатието.
Во Дебар и Центар Жупа, веќе е воведена повеќечасовна рестрикција во водоснабдувањето, која во Дебар трае седум и пол, а во Центар Жупа 12 часа.
Тоа, како што велат од управите на општинските комунални претријатија, е поради злоупотребата на водата за пиење, а со цел вода да имаат подеднакво сите делови во градот.
Денеска поради техничка интервенција во Хидроелектраната „Шпиље“ кај Дебар, во периодот од 10:00 до 14:30 часот без електрична енергија беше целото дебарско конзумно подрачје, кое ги опфаќа општините Дебар, Центар Жупа и подрачјето на Река, општина Маврово и Ростуше.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа