Димитриевски обвинува: Советник од СДСМ нападнал советничка на „За наше Куманово“

Независниот кандидат за градоначалник на Куманово, Максим Димитриевски денеска обвини дека советник од редовите на СДСМ нападнал советничка од „За наше Куманово“.

-Вчера, повторно насилно однесување врз жена кандидат за советник од нашата граѓанска иницијатива. Во МВР пријавивме дека на кандидатот за советник Христина Алексовска на сила и е одземен пропаганден материјал од раце од страна на Момир Петрушевски кандидат за советник на СДСМ и истиот е демонстративно уништен. До кога ќе се служите со недолично однесување? Граѓаните ја испратија пораката на 17-ти октомври кого поддржуваат, а во недела, на 31-ви октомври повторно ќе ги казнат оние кои сакаат да дојдат на власт со злоупотреби, притисоци, насилства и лажни обвинувања, напиша Димитриевски на Фејсбук.