Двајца старци од Македонија измамувале луѓе во Хрватска – украле над 26.000 евра
Хрватската полиција уапси двајца постари државјани на Македонија под сомнение дека извршиле пет измами и тешка кражба, предизвикувајќи материјална штета од 200.000 куни (нешто повеќе од 26.000 евра), според сплитската полиција, цитирана од Индекс.
Станува збор за 76 и 68-годишни лица од Македонија кои извршиле пет кривични дела измама во август и септември на подрачјето на Сплит, Трогир и Примоштен.
За време на кривичната истрага, извршено е претрес на лично возило и стан во областа Омиш, користени од осомничениот двоец, а по тој повод се пронајдени поголема сума на пари, неколку лажни златни часовници и неколку катанци.
76-годишникот и 68-годишникот се предадени на надзорникот за притвор под сомнение дека сториле пет кривични дела измама и кривично дело тешка кражба.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа