Две момчиња и една девојка уапсени во Тетово откако полицијата ги фатила со дрога
Три лица биле уапсени вчера во Тетово откако при претрес, полицијата кај нив пронашла дрога.
„Вчера во околу 11:15 часот, на улица „114“ во Тетово, полициски службеници на СВР Тетово ги лишиле од слобода 24-годишната М.Ј. од тетовско село и 31-годишниот тетовец Б.Р. При нивен и преглед на возилото „фолксваген голф“ со тетовски регистарски ознаки, кое било паркирано и во кое тие се наоѓале, била пронајдена марихуана. Двајцата се задржани во Полициската станица Тетово за расчистување и документирање на случајот, по што ќе им биде изготвен поднесок.
Подоцна во околу 15:40 часот во с.Теарце-тетовско, полициски службеници на СВР Тетово го лишиле од слобода 35-годишниот Е.И. од Теарце, затоа што при преглед му била пронајдена марихуана. По расчистување на случајот против него ќе следува поднесок“, информира МВР.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
