Експлозија во Англија: Загина дете - повеќе куќи се уништени
Во експлозија на гас во Хајшам, Ланкашир, загина едно дете, а други четири лица беа повредени пренесуваат медиумите во таа земја.
Како резултат на експлозијата, две куќи се уништени, а третата е сериозно оштетена.
Експлозијата се случи синоќа во 2:30 часот на авенијата Мелодајл во Хајшам, на западот од Англија, објави британскиот дневен весник „Гардијан“.
Четири лица, двајца мажи и две жени се пренесени во болница со сериозни повреди, соопшти полицијата.
Противпожарната служба Ланкашир објави дека на самото место има 10 противпожарни возила.
Жителите во близина се евакуирани, а полицијата во Ланкашир работи со инженери за гас за да ја направат областа безбедна.
МАКФАКС
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа