Ентони Блинкен: Кина се оддалечува од мирно решавање на проблемот

Последните дејствија на Кина во Тајван се поблиску до принуда и употреба на сила отколку до практиката на мирно решавање на прашањата, изјави американскиот државен секретар Ентони Блинкен на заедничката прес-конференција со неговиот филипински колега Теодор Л.Локсин помладиот.

Блинкен истакна дека САД се свесни дека нивните сојузници се загрижени за, како што рече, опасните и дестабилизирачки дејствија на Кина околу Тајван, но дека Вашингтон ќе го реши проблемот како што правеше досега, пренесува Ројтерс.

„САД не веруваат дека е во интерес на Тајван, регионот или нашата национална безбедност ситуацијата да ескалира“, рече американскиот државен секретар.