Фетаи: Канцеларијата на ЕУ во Македонија да биде вклучена во изборот на обвинители за организиран криминал

Целта ни е да дојдеме до законско решение кое ќе му овозможи на обвинителството ефикасно да се бори со организираниот криминал и корупција. Текстот за прелдог законот не е идеален, но е солиден, рече обвинителката Фатиме Фетаи на Јавната расправа за Закон за Јавно обвинителство, пренесува „Локално“.

„Во него се вметнати решенија комапктибилни со законите на земјите членки на ЕУ. Сметам дека треба да има промени кај надлежноста на Основното јавно обвинителство за гонење на организиран криминал и корупција и избор на шеф и обвинители. Обвинителството за гонење на организиран криминал и корупција треба да постапува пред кривичниот и апелациониот суд, а со тоа да му биде променет и називот во Јавно обвинителство за гонење на организиран криминал и корупција, без основно“, рече Фетаи.

Обвинителката смета дека подобро би било во вакви ситуации, обвинителот од Обвинителството за гонење на организиран криминал и корупција да постапува и во апелација, бидејќи тој си го познава предметот.

„Сакам да истакнам и за постапката за избор на шеф и на членови. Бидејќи сакаме силно обвинителство со финансиска независност, критериумите за избор на шеф и обвинители во обвинителството треба да бидат построги. Ние сме мала земја и може да има влијанија. Како би го тргнале теретот, а изборот да биде без дамки, предлагам во постапката за избор на шеф и обвинители во тоа обвинителство да биде вклучена и канцеларија на ЕУ во Република Северна Македонија преку мониторинг почнувајќи од моментот на интервјуирање до избор на кандидатите и тие да имаат право да дадат мислење за тие кандидати. Вотриот момент, јавноста да биде максимално вклучена, не само со објавување на биографиите на кандидатите, туку ако треба и на интервјуа. Да види јавноста дали обвинителот знае да се изразува или не Само на тој начин би биле способни да ја тргнеме прашината за изборот и би се приближиле до целта, обвинителите да влеат доверба во јавноста и само така обвинителот ќе продуцира правда“, истакна Фетаи.

 

 

 

Добивајте вести на Viber

28.01.2020 - 18:30

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега