ФФМ бара најстрога казна од УЕФА за Арнаутовиќ

Фудбалската федерација на Македонија бара најстрога казна за австрискиот репрезентативец Марко Арнаутовиќ поради пцовките и навредите кон Езѓан Алиоски откако го постигна третиот гол на натпреварот против Македонија.

ФФМ најостро го осудува националистичкиот испад на Арнаутовиќ на натпреварот.

-Поднесовме официјален допис до УЕФА во кој бараме најстрога казна за австрискиот репрезентативец Марко Арнаутовиќ. Како “Куќа на фудбалот” секогаш сме против национализам, дискриминација и сите други форми на навреди и испади кои не се во духот на фудбалот и вредностите за кои сите заедно се залагаме. Секогаш ќе застанеме и ќе ги браниме интересите и достоинството на македонските репрезентативци каде и да настапуваат, велат од ФФМ.