(ФОТО) Тешка автобуска несреќа во Бугарија: Четири лица починаа, има и повредени
Тешка сообраќајна несреќа меѓу автобус со романска регистрација и автомобил со холандска регистрација се случила ноќта на 6 август околу 2 часот на патот Велико Трново – Русе во Бугарија, во делот меѓу селата Куцина и Поликраиште.
Според првичните информации, автобусот, управуван од турски државјанин, удрил во патничкиот автомобил, кој бил запрен, а потоа удрил во дрво. Има 4 загинати и 8 повредени.
Еден од повредените е пренесен во болницата во Велико Трново. Имал полесни повреди, па бил пуштен на домашно лекување. Нема повредени патници од автомобилот. Патот во делницата е привремено затворен. Екипи на полицијата, противпожарната и итната помош се на терен.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
