Фрчеа казни на сите страни: Санкционирани 422 возачи за брзо возење
Во рамки на засилените акциски контроли на територијата на државата за санкционирање на возила кои се движат со брзина поголема од дозволената, полицијата вчера санкционираше 422 возачи.
Од нив, 21 управувале со возилата со брзина над 50 километри на час повеќе од дозволеното, а тројца со дури над 70 километри на час повеќе од дозволената брзина. Притоа, како што информираат од МВР, 211 возачи ја пречекориле брзината во населено место, а 211 надвор од населено место.
Од МВР најавуваат дека продолжуваат со засилените акциски контроли и во наредните денови и апелираат до сите учесници во сообраќајот да ги почитуваат сообраќајните правила и прописи за побезбедни патишта.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
