Герасимовски: Пожарот е локализиран и речиси целосно изгаснат

Градоначалникот на Општина Центар, веднаш по добивањето на информацијата за пожарот кај поранешната фабрика Треска, излезе на терен, изврши увид и помагаше при гаснењето на истиот.

Со 10 возила, противпожарната бригада го гаснеше пожарот, а општинскиот кризен штаб, заедно со градоначалникот Герасимовски и со екипите на Црвениот крст им даваа поддршка на пожарникарите.

„Пожарот е локализиран и речиси целосно изгаснат благодарение на брзата реакција на надлежните. Заедно со екипите на Општина Центар остануваме на терен, а кризниот штаб во состав од претставници на МВР, инспекциските служби на општината и противпожарна служби веднаш одржа состанок. Голема благодарост до сите за брзата и ефикасна реакција. Во оваа незгода за среќа нема повредени“, изјави градоначалникот Герасимовски.

Жителите и вработените во околните продавници беа навремено евакуирани, а Герасимовски упати апел до граѓаните додека трае интервенцијата, да го избегнуваат метежот кој се создаде на околните улици.