Хари и Меган со најновата изјава би можеле да разбеснат милиони Британци

Принцот Хари и Меган Маркл во разговор со челниците од организацијата „Queen’s Commonwealth“ истакнале дека Велика Британија мора да го признае незгодното минато за да може да тргне напред, пренесува британски Телеграф.

-Толку многу луѓе направи неверојатна работа признавајќи го мминатото и обидувајќи се да ги исправат неправдите, но мислам дека сите знаеме оти има уште многу да се направи, истакнал Хари говорејќи за историските неправди вклучувајќи ја и трговијата со робови.

Според него, нема да биде лесно, но тоа мора да се направи бидејќи сите ќе имаат корист од тоа.

-Да се зборува за тоа сега е малку незгодно, но само со решавање на таа неудобност ќе стигнеме на другата страна. Рамноправноста никого не става во пониска ситуација, туку сите не поставува на ист темел, што е основното човечко право, истакнала Меган.

Овие изјави не го прикажуваат Британското Кралство со кое владеле претците на Хари во најдобро светло, а се противи и на протоколите според кои, членовите на кралското семејство не смеат да даваат политички коментари.