Холивуд донесе правилник за снимање на секс сцените во време на корона
Холивуд се подготвува за продолжување на снимање на филмовите по 12 јуни. Усвоен е правилник по кој ќе се одвива снимањето, а потпишан е од страна на повеќе големи филмски куќи.
Документот содржи 22 страници, а еден дел особено важи за романтичните сцени и секс сцените.
Имено, такви сцени ќе бидат избегнувани, преправени и снимани користејќи „CGI“ технологија.
Исто така, актерите и екипата која ќе работи на филмот ќе мора да се тестира на коронавирус и да почитува физичка дистанца.
Според „Дејли мејл“, личната заштитна опрема ќе биде потребна на сетовите, а продукциите на ТВ емисија ќе им биде забрането да користат публика за време на снимањето.
Режисерите и актерите кои доаѓаат на кастинг ќе можат да бидат дел од аудицијата, но наводно позади плексиглас.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа