И Таравари сака еден термин за претседателски и парламентарни избори: Да не трошиме пари и енергија

Претседателот на Алијанса на Албанците, Арбен Таравари е за споени парламентарни и претседателски избори. Тој во гостувањето во Тема на денот на Сител рече дека за мала држава е луксуз за три месеци да се спроведат два пара на избори.

-Како што бев против за ноември или декември да има парламентарни, па во март претседателски, исто мислам дека е нерационално март или април да има претседателски, па јуни или јули повторно да има парламентарни. Значи, и заштедуваме пари и рационализираме и според мене, подобро е да ги имаме заденички. Прв круг претседателски, втор круг претседателски и парламентарни, со тоа и не трошиме пари и не трошиме енергија и рационализираме. Државата не функционира кога има избори. Меѓутоа, за конечна одлука секогаш одлучувале сите партии, секогаш се наоѓало некакво решение и помеѓу партиите од мнозинството и опозициските партии. Повторно мислам дека во овој случај или премиерот или претседателот, посебно премиерот треба да ги собере партиите и да изнајдеме решение кое ќе биде прифатливо, ако не за сите, за мнозинството политички партии во Македонија, вели Таравари.