Идентификувани 9 лица: Кривична пријава за насилство врз дете во Кочани
Полицијата идентификувала девет лица за спорното видео кое се шири преку социјалните мрежи, а каде се гледа малтретирање на дете во Кочани. Сите тие ќе добијат кривична пријава за „насилство врз дете“.
-Во врска со случајот со насилство врз дете во Кочани, за што постои и снимен материјал што се споделува на социјалните мрежи, ОВР Кочани ја известува јавноста дека во координација со ОЈО Кочани ќе биде поднесена кривична пријава за кривично дело „насилство врз дете“, а идентификувани се девет лица, со кои е извршен службен разговор и по документирање на случајот ќе биде поднесена кривична пријава. По преземени мерки утврдено е дека настанот се случил на 11.04.2021 околу 20 часот во Кочани, појаснуваат од МВР.
ОВР Кочани презема мерки и за расчистување на останатите инциденти кои следеле во текот на вечерта.
- Во координација со ОЈО Кочани до сега се приведени А.Н. , Н.Н. и А.В., а извршен е службен разговор со 20 лица. По целосно расчистување и документирање на настаните ќе бидат поднесени соодветни пријави, се вели во дописот од полицијата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа