Израел ќе ги објавува имињата на оние кои не сакаат да се вакцинираат

Израелскиот Парламент денеска му одобри на Министерството за здравство да ги објави имињата на луѓето кои не сакаат да се вакцинираат против Ковид-19.

Одлуката предизвика бура реакции за нарушување на приватноста на тие кои одбиваат да бидат имунизирани.

Законот им дозволува на локалните власти и на некои вработени во Министерстата за образование и за социјални работи да ги дознаат имињата на овие лица, нивните адреси и телефонски броеви.

Законот во сила се предвидува да биде три месеци или додека не заврши пандемијата. Тој има за цел да им дозволи на властите да ги охрабрат луѓето да се вакцинираат обраќајќи им се лично.

Инаку, Израел е лидер во светот по бројот на имунизирано население. Досега вакцинирани се една третина од вкупниот број на жители. Одно, над три милиони од девет се вакцинирани против Ковид-19.