Јанушев: Каков апсурд, Спасовски и Филипче зборуваат за грижа за граѓаните

За која грижа на граѓаните зборуваат Заев, Оливер Спасовски и Венко Филипче?!?? Кој апсурд!, напиша на својот Фејсбук проил генералниот секретар на ВМРО-ДПМНЕ, Игор Јанушев.

„2017 година имаа ветување дека ќе изградат нов клинички центар во Бардовци.
2018 година имаа ветување дека ќе изградат нов клинички центар во Визбегово.
2019 година имаа ветување дека ќе изградат нов клинички центар во Ѓорче Петров.

Во 2020 година да изградија, ПАРКИНГ кај клиничкиот центар!

Нема 500 евра просечна плата, нема 100.000 денари плата за докторите, нема набавка на нови респиратори, има само криминал, манипулации … владата на СДСМ тоне во лаги и корупција!

Да се потсетиме и на амбулантните возила, и на мерцедесот кој требаше да биде продаден за таа намена, за сега да ги гледаме како се луксузираат во уште понов модел, наместо да бидат обезбедени возила кои и те како им се потребни на нашите клиники.

П.С. – се уште го чекаме бројчаникот на порта, ама тоа знаеме дека не ви одговара, затоа што тонете во задолжувања и долгови, тонете во криминали, тонете во лаги.

А, не само што продолжувате со потценување на сопствениот народ, туку и барате и “стапот да игра” кон истиот тој народ кој утре ќе го молите да ве гласа“, напиша Јанушев.

 

 

 

Добивајте вести на Viber

23.05.2020 - 11:47

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега