Кадлоу: САД не се под закана од втор бран пандемијата на коронавирусот
Економскиот советник во Белата куќа, Лери Кадлоу, денеска изјави дека САД не се загрозени од втор бран на пандемијата на коронавирусот, иако пастојат некои нови жаришта во сојузните држави, како Флорида, на пример.
Британските медиуми, пренесувајќи го Кадлоу, додаваат дека е малку веројатно дека ќе има затворања низ целата земја.
-Има неколку жаришта. Ние работиме на тоа. Знаеме како да се справиме со ова, минавме долг пат од минатата зима, рече Кадлоу за Си-Ен-Би-Си.
САД се земја која е најтешко погодена од пандемијата на коронавирусот во светот, со повеќе од 2,3 милиони заразени и 122.259 мртви, се наведува на сајтот „Worldometers”.
22.06.2020 - 17:38
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
