Калеска-Ванчева: Ниту имало, ниту ќе има опасност Гоце Делчев да „падне“
Апсолутно нема, ниту имало, ниту ќе има таква опасност Гоце Делчев да „падне“, вели пратеничката од редовите на СДСМ, Снежана Калеска-Ванчева како одговор на прашањето дали владата преговара за ликот и делото на најпознатиот македонски револуционер.
Според неа, одговорот е едноставен.
-Не постои Македонец кој што не се гордее со Делчев и останатите револуционери. За тоа не се дебатира. Сите комити се врежани во нашата колетивна свест. Тоа е длабоко во корените. Делчев е нешто свето за нас. Зар треба со Декларација во Собранието да го потврдиме тоа. Дали утре ќе треба Декларација и за Сандански и Мисирков?, прашува Ванчева во гостувањето на емисијата „Само вистина“, потенцирајќи дека со Бугарија не се преговара за македонскиот идентитет.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
