Калфин: Не верувам дека Бугарија ќе ја смени својата позиција и политиката кон Македонија

„Не верувам дека Бугарија ќе ја смени својата позиција и политиката кон Македонија. Бугарија е губитник во сегашната ситуација и ќе остане во историјата како земја што ги прекина преговорите за пристапување на Македонија и Албанија во ЕУ, иако сакавме да бидеме лидери и да го водиме овој процес на интеграција на Западен Балкан“, вели поранешниот министер за надворешни Ивајло Калфин.

Тој смета дека бугарската позиција е погодна за други земји кои исто така не сакаат да го започнат процесот на преговори, но ја користат Бугарија како изговор за тоа. Според него, бугарскиот меморандум е несфатлив за повеќето Европејци и наместо да го постигне посакуваниот ефект, тој ја изолирал Бугарија. Калфин вели дека ветото ги зајакнало антибугарските чувства во Скопје и дотури вода во воденицата на „србоманските кругови“, пренесе news.bg. 

Поранешниот шеф на дипломатијата семета дека прашања без одложување треба да се решат, бидејќи одложувањето на решавањето на проблемите не помага.