„Кинеските епидемиолози предупредуваа да не се внесува тоа дома“ – загрижени новинари поставиле прашање од чиј одговор стравуваме сите

Едно од прашањата кое што новинарка го поставила предизвикало големо внимание на денешната седница на Владата на Србија по повод коронавирусот.

Прашањето на новинарката е следно:

„Дали кинеските колеги ви напоменале нешто за снегот и како тој делува на Ковид-19? Еден наш граѓанин кој што се врати од Вухан, ги предупреди граѓаните да не го допираат снегот и да не го внесуваат дома, бидејќи кинеската влада претходно дала такво предупредување уште во времето на епидемијата во Вухан каде што се вели дека вирусот е активен во снегот дури и подолго време отколку на металот. Дали има некакви препораки за жителите да не ги изнесуваат своите деца надвор?“

Епидемиологот Кон изјавил дека вирусот се задржува многу подолго на снегот откоку на топло време, но дека сепак тој се наоѓа во човекот.

„Не разговаравме конкретно за снегот. Факт е дека вирусот опстанува многу подолго на ниските температури. Се задржува подолго, ако воопшто стигне до снегот, но вирусот се наоѓа во секретите на човекот и доколку тие ја допрат површината на снегот, сигурно дека вирусот ќе постои и таму. Не сум размислувал за тоа како вирусот понатаму би се пренел од снегот при допир, но не гледам никаква опасност доколку после тоа рацете добро се измијат“ – заклучил Кон.

„Вирусите не можат да се размножуваат во снегот затоа што нив им е потребен домаќин“ – истакнала докторката Милошевиќ.

 

 

 

Добивајте вести на Viber

25.03.2020 - 13:37

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега