Кисинџер: На Европа ѝ се заканува уште поголема војна, ако наскоро не се постигне мир

 

Поранешниот американски државен секретар и претседателски советник за национална безбедност Хенри Кисинџер на Светскиот економски форум во Давос го повторил предупредувањето издадено пред неколку дена од српскиот претседател Александар Вучиќ – дека ако наскоро не се постигне мир, на Европа и се заканува уште поголема војна, пишуваат српските медиуми.

Кисинџер разговарал со нејзиниот основач и извршен директор Клаус Шваб (84) на Светскиот економски форум (СЕФ) во Давос и кажал дека моменталното расположение во светот сугерира дека поразот на Русија ќе биде фатален за Западот, бидејќи ќе доведе до реорганизација на Европа и до хиерархии на моќ.

Кисинџер рекол и дека војната во Украина не треба да трае долго и дека Западот треба да ја притисне Украина да ги прифати условите од прекинот на огнот, кои не се во согласност со нејзините сегашни цели и ситуацијата на теренот, пренесуваат медиумите во регионот.

„Преговорите мора да почнат во текот на следните два месеци, бидејќи во спротивно ќе се создадат тензии кои нема така лесно да се надминат. Идеално, линијата на поделба треба да биде враќање на претходната состојба на работите. Инсистирањето на продолжување на војната по тие два месеци нема да доведе до слобода на Украина, туку до нова војна против самата Русија“, изјавил Кисинџер.

Поранешниот американски државен секретар додал дека Русија е дел од Европа веќе 400 години и дека во клучните моменти гарантира дека ќе се одржи рамнотежата на силите на Стариот континент.

„Европските лидери не треба да заборават на долгорочните односи и не треба да ризикуваат до степен Русија и Кина да станат постојани сојузници“ изјавил политичарот.

„Се надевам дека Украинците ќе го помират своето херојство со мудроста“, кажал Кисинџер и порачал дека Украина треба да биде неутрална тампон зона, а не погранична земја.

24.05.2022 - 11:31

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега