Ковачевски: Ако не ги изгласаме уставните измени, ќе си останеме во друштво на БиХ и Косово
Јасни се пораките дека за првпат после многу години ЕУ е подготвена за проширување и прием на нови членки до 2030 година, тоа се поклопува со нашата цел и она на што работи Владата. Ако ги донесеме потребните одлуки во Собранието дека во 2030 година ќе бидеме првата земја од Западен Балкан којашто ќе стане членка на ЕУ, рече претседателот на СДСМ и премиер, Димитар Ковачевски во своето гостување во „Вести плус“ на Канал 5 ТВ.
-Подобар пример од повеќе брзини не постои. Сега доколку не ги донесеме потребните одлуки тоа ќе значи дека и Црна Гора, Србија и Албанија ќе отидат пред нас и ние ќе останеме во друштво на Босна и Херцеговина и Косово. Дали ние сакаме да останеме во тоа друштво?
Тоа се држави кои имаат се уште елементарни проблеми во своето функционирање. Јас не се согласувам нашата држава и нашите граѓани нивната група да остана со Косово и со Босна и Херцеговина во евроинтеграциите бидејќи во моментов ние сме пред сите држави во регионот. Ако ги донесеме одлуките во Собранието дека во 2030та година Северна Македонија ќе биде првата земја од Западен Балкан која ќе стане членка на ЕУ, рече претседателот Димитар Ковачевски.
31.08.2023 - 19:04
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
