Лефков: Заев воведува нов данок на сите горива и зголемување на цената за 4.13 денари, остана уште данок во крв да воведат

Заев удира по народот, затоа што тој и неговите министри го испразнија буџетот и ја задолжија државата за дополнителни 2.4 милијарди евра. Сега со новата давачка Заев планира директно од џебот на народот на годишно ниво да собира нови 54 милиони евра, рече на денешната прес-конференција пратеникот од редовите на ВМРО-ДПМНЕ Миле Лефков.

„Зоран Заев воведува нов данок на сите горива и зголемување на цената за 4.13 денари на секое литро гориво, бензин и дизел. Тоа се 4.13 денари за кои трајно ќе се зголеми цената на горивата.

Заев удира по народот, затоа што тој и неговите министри го испразнија буџетот и ја задолжија државата за дополнителни 2.4 милијарди евра. Сега со новата давачка Заев планира директно од џебот на народот на годишно ниво да собира нови 54 милиони евра.

Ова е второ зголемување од 4 денари, Заев претходно ја зголеми акцизата за исто толку.

Во овие 4 години заради Заев плаќаме 14 денари поскапи горива.

Имено за 1,2 денари е зголемена големопродажната маржа. За 1,4 денари е зголемена малопродажната маржа. За 0,25 денари се зголемени транспортни трошоци. За 3,00 денари е зголемена акцизата. За 0,54 денари е зголемено ДДВ. За 3,00 денари е зголемена акцизата по втор пат. За 0,54 денари е зголемено ДДВ исто така по втор пат во 4 години, поради зголемената основица.

Плус на сето тоа новата такса од 3,5 денари за еколошка такса и 0,56 денари за ДДВ на новата цена, заради еколошката такса.

Се на се вкупно 14,06 денари поголеми давачки за секој литар гориво. Ова се пари кои ги даваме на владата на Заев, ова се пари кои ги плаќаме независно од светската цена на нафтата.

Останува уште данок во крв да воведе Заев, бидејќи нема друга давачка која не ја имплементира изминативе 4 години.

Заев преку тендери го испразни буџетот, а сега народот преку даноци ќе треба да ги крпи дупките.

Штетата од зголемувањето на цената на горивата ќе имаат пред се земјоделците и транспортерите, но и сите индустриски гранки.

Ваквото зголемување на цената на горивата ќе значи и ценовен шок и можен удар врз цената на сите производи и услуги кај кои во голема мера креирањето на крајната цена зависи од горивата.

Бараме Заев наместо да ги зголемува цените на горивата да запре со овие штетни политики. Во овие кризни времиња кога на економијата и треба помош потребно е намалување, а не зголемување.

4 години Заев, 4 години украден живот. Доста е!, порача Лефков.