Макрон: Потребна е меѓународна истрага за експлозијата во Бејрут

Францускиот претседател Емануел Макрон денеска при посетата на Бејрут изјави дека тој нема нови информации за причината за смртоносната експлозија во пристаништето во тој град, освен оние што веќе се објавени.

Рече дека е потребна потранспарентна меѓународна истрага за откривање на точните причини за катастрофата.

Прелиминарна истрага укажува дека експлодирал товар на амониум нитрат.

Во силната експлозија што пред два дена го погоди центарот на Бејрут загинаа најмалку 137 лица, а повеќе од 5.000 се повредени. Се стравува дека бројот на жртви ќе биде поголем.