Маж од САД кој удри Азијка повеќе од 100 пати е осуден на 17 години затвор

 

Маж кој беше снимен како удира постара Азијка повеќе од 100 пати и ја гази по телото во Јонкерс, Њујорк, е осуден на повеќе од 17 години затвор.

Ова во вторникот го соопштија обвинителите.

„Денеска го затвораме поглавјето за едно од најнасилните и најшокантните злосторства од омраза што сме ги виделе во округот Вестчестер“, изјави окружната обвинителка Миријам Рока, а пренесе Си-Ен-Ен.

Тамел Еско (42) се изјасни за виновен за напад во септември. Тој е осуден на 17,5 години државен затвор, а по ослободувањето ќе биде под петгодишен надзор.

На видео снимката од инцидентот, кој се случи на 11 март, се гледа како Еско најпрвин ја нарекува „азиска кучка“ 67-годишната жена која поминала покрај него, пишуваат медиумите.

Жената потоа влегува во нејзината станбена зграда и ги става клучевите во вратата, а Еско ја следи и ја удира со тупаница во главата.

Откако 67-годишната жена паднала на земја, Еско ја удрил повеќе од 100 пати, ја газел и ја плукал. По нападот, жртвата имала крварење во мозокот и повеќекратни скршеници на лицето.

„Бев бездушно плукана, тепана и клоцана повеќе од 100 пати од потполн странец само поради моето потекло. Мојата единствена надеж е дека Бог и кривично-правниот систем ќе се погрижат тоа да не се случи на уште едно невино семејство“, додава таа.

01.12.2022 - 23:22

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега