Мицкоски: Mногу почесно е Заев и Филипче да си дадат оставка, отколку нивната неспособност да се плаќа со животите на недолжни граѓани

Опозицискиот лидер, Христијан Мицкоски вечерва истакна дека работите во борбата против коронавирусот мора да се променат бидејќи Македонија губи премногу животи од заразата.

-Сочувство до семејствата кои загубија свој близок поради #COVID заразата. Едноставно бројката е преголема и таа говори дека Македонија губи премногу животи и дека работите мора да се променат.  Убеден сум дека ако Министерството за здравство и Владата се реорганизираа и детално подготвеа за есенсиот ковид бран, ќе беа спасени повеќе животи. Ова што го прави или не го прави Владата не е доволно. Се губат животи. Евидентно е дека државата и Владата не можат да одговорат на сложената пандемија. И многу почесно е да си дадат оставка, отколку нивната неспособност да се плаќа со животите на недолжните граѓани, напиша Мицкоски на Фејсбук.