Мицкоски: Прв чекор за рушење на власта е интерпелација на Никола Димитров
Лидерот на опозициската ВМРО-ДПМНЕ денеска најави дека првиот чекор во рушењето на, како што ја нарече, ненародната власт е интерпелација на вицепремиерот за европски прашања, Никола Димитров.
-Заев и Димитров се тандемот кој ветуваа европска иднина. Распродадоа се што можеше да се распродаде овие 4 години од гордоста и она малку што остана сакаат и тргуваат со него, а всушност гледаме дека не доведоа до ќорсокак.За ова мора да се понесе одговорност.Имаме повеќе чекори кои ќе водат кон рушење на владата која е без легитимитет. Но, првиот ќе биде поднесување на интерпелација за Димитров во Собранието. Има да одговорат на прашањата кои целата јавност ги поставува. Доста е за загубите кои се колективни поради нивната неспособност, рече Мицкоски.
Вели дека Димитров е главниот виновник за дебаклот што и се случува на Македонија на меѓународната сцена.
-Мислам дека во овој момент најповиканото прашање е дебаклот кој што ни се случува на отворена сцена поврзано со надворешната политика. Не знам, ако нешто е поактуелно од ова тогаш во моментов навистина јас не можам да се сетам, истакна Мицкоски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа