Мицкоски со повик до гласачите: Да му помогнеме на Заев во одлуката да си поднесе оставка

Навиканти сме на променливите позиции на Зоран Заев во изминативе 52 месеца откако е претседател на владата, но и претходно откако е активен во политиката, рече денеска лидерот на ВМРО-ДПМНЕ, Христијан Мицкоски, одговарајќи на новинарско прашање како ја коментира изјавата на Заев дека доколку во вториот круг го изгуби Скопје и поголемиот број од општини ќе си даде оставка.

Мицкоски одговараше на новинарски прашања за време на посетата на Битола, поточно на индустриската зона Жабени.

„Не би ме изненадило доколку по 31 октомври ја промени својата изјава, знаеме дека во минатото и жици се спомнуваа и се колнеше, но не држеше до кажаниот збор“, кажа Мицкоски.

Сепак, според него, на 31 октомври народот ќе му помогне на Заев да донесе одлука.

„Она што мислам дека ќе се случи на 31 октомври е народот ќе му помогне да ја донесе вистинската одлука која ја кажа, а тоа е дека ако ги изгуби изборите ќе се повелече. Па јас го повикувам народот тоа што го направи на 17 октомври да го направи и на 31 октомври и да му помогне на Зоран Заев да ја донесе вистинската одлука, бидејќи тоа е вистинска одлука за народот и за државата Македонија“, рече Мицкоски.

22.10.2021 - 16:39

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега