Мицкоски: Време е да започне дијалогот со синдикалните организации, да се ослободат од стегите на оваа криминална власт

Претседателот на ВМРО-ДПМНЕ, Христијан Мицкоски денеска се сретна со претставниците на синдикалните организации при Конфедерецијата на слободни синдикати.

-Ценам дека имавме конструктивен разговор, дијалог. Од прилика дел од нивните забелешки уште во изработката на програмата се опфатени во самата содржина на програмата за дел се разбира од како ќе биде формирана владата ќе разговараме. Бидејќи тоа е динамичен процес, процес кој што трпи промени, сепак станува збор за четиригодишен период, станува збор за многу предизвици кои што ќе се испречат на тој пат. И јас ценам дека можеме навистина да ги ослободиме синдикалните организации од политичките стеги и притисоци, да ги оставиме да функционираат луѓето и да се борат за правата на работниците. Да постои оној социјален дијалог кој што изминативе нешто повеќе од три години гледаме како да практично исчезна од сцената. Да се ослободиме од стегите на политичарите за да може да бидеме по би рекол рационални и покреативни во носењето на одлуките, истакна Мицкоски по средбата.

Вели дека разговарале со различни гранки кои што се дел од оваа синдикална организација.

-Добивме и некои конструктивни предлози за дел од тие предлози веднаш се сложивме и ќе бидат веќе артикулирани на настаните во преостанатите денови. За дел ќе треба веднаш по формирањето на новата влада.  Така што јас сум многу благодарен за можноста што можев во прво лице да зборувам вака директно со претставниците на оваа синдикална организација. За мене претставува навистина голема чест и привилегија да можам да зборувам со овие луѓе, бидејќи овие луѓе се борци за правата на нивните сомисленици, би рекол на работничките права, рече Мицкоски.

 

 

 

Добивајте вести на Viber

09.07.2020 - 13:10

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега