Мицкоски: За несреќата свесно не дававме коментари три дена
Во врска со тешката автобуската несреќа во Бугарија во вторникот, Мицкоски рече дека свесно три дена не давале коментари и им изрази сочувство на семејствата на загинатите.
Смета дека треба да има морална одговорност на надлежните министри и институции и дека овој немил настан, како што рече, е „само продолжение на корупцијата, криминалот и нефункционирањето на државните институции што почна со несреќата во Ласкарци и површната истрага во ’Дурмо турс’ и продолжи со кабелот во модуларната болница во Тетово“.
Ја коментираше и одлуката за ново раководство на РЕК Битола оценувајќи дека сложеноста на тоа работно место бара поинаков кадар.
-Очекувам само да се продлабочи агонијата, не мислам дека нешто поинаку ќе се случи, а за да не поскапи струјата требаат многу пари… Затоа се потребни брзи избори и нови луѓе кои знаат како да се справат со овие проблеми, додаде Мицкоски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа