Министерот Филипче и д-р Грозданова денеска во 15:15 часот ќе одржат прес-конференција

Министерот за здравство д-р Венко Филипче и д-р Александра Грозданова, претседателка на Комитетот за имунизација при Министерството за здравство, денеска во 15:15 часот ќе дадат изјава за медиуми пред Министерството за здравство.

Филипче денеска имаше работен состанок со Координативното тело за вакцини за Ковид-19 преку КОВАКС механизмот, кој обезбедува глобален и рамномерен пристап до безбедни и ефективни вакцини, потврдени и регулирани од Светската здравствена организација.

На состанокот се разгледуваше стратегијата за имунизација со вакцина за Ковид-19, како и за приемот и дистрибуцијата на вакцините, категориите на граѓани кои ќе бидат први вакцинирани, како и текот на постапката на вакцинација.