Митрески: Најавата за вето од Бугарија не е во духот на добрососедските односи и европските вредности
Ние сме кандидати за членство во ЕУ и заслужуваме преговори, сепак, доколку се случи она што го најавува Република Бугарија тоа не е ниту во духот на добрососедските односи ниту е во склоп со европските вредности.
Ова на денешната прес-конференција го изјави Јован Митрески, координатор на пратеничката група на СДСМ и коалицијата, на прашањето од новинари што доколку се случат најавите на Бугарија за блокада на преговорите со ЕУ.
– За македонскиот јазик и идентитет ниту имало, ниту има, ниту ќе има преговори. Ако сепак се случи да има блокада од Бугарија ние ќе продолжуваме со реформите, исто така ќе продолжиме да разговараме и бараме решение со силата на аргументите. Нашиот пат е европсккиот пат и нашата иднина е во ЕУ. Нема други алтернативи, ние ќе продолжиме да работиме во таа насока постојано, рече координаторот на СДСМ и Коалицијата Митрески.
17.11.2020 - 16:11
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
