Муцунски се огласи по добивање титула потпретседател на ВМРО-ДПМНЕ: Ве уверувам сите, ќе бидеме промотор на добри политики
Ова ВМРО-ДПМНЕ ќе биде вистински промотер на добри политики, уверува градоначалникот на Општина Аеродром, а од вчера веќе и потпретседател на најголемата опозициска партија, ВМРО-ДПМНЕ, Тимчо Муцунски.
-Како политичка партија остануваме најцврст гарант за зацврстување на државноста, независноста, мирот, стабилноста, безбедноста, економскиот развој и историскиот континуитет на Македонија, пишува Муцунски на социјалната мрежа Фејзбук, доцна вчера по завршувањето на седницата на опозициската партија.
-Да се биде потпретседател на ВМРО-ДПМНЕ за мене претставува вистински мотив и предизвик, да продолжиме да ја градиме партијата, да ја развиваме демократски и да работиме за уште една убедлива победа на следните избори.
Сакам да се заблагодарам на претседателот на партијата, Христијан Мицкоски и на членовите на Централниот комитет за укажаната доверба, но и на целокупното членство кое стои заедно со нас во овие времиња исполнети со предизвици, стои во објаавата на градоначалникот на Општина Аеродром.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа