Нарко банда со тешко оружје ја нападна полицијата во Мексико
Шест полицајци загинаа, а четворица се ранети во пограничната држава Њу Леон на северот на Мексико, откако биле нападнати од нарко банда, опремена со 10 оклопни автомобили и тешко оружје.
Државната полиција соопшти дека патролата била побројна во нападот пред зори, на автопатот што води кон граничниот премин со САД, пренесува агенцијата АП.
Како што наведоа, полицајците „херојски“ делувале во нападот. Државното обвинителство соопшти дека еден службеник е меѓу загинатите.
Засега нема информации за идентитетот на напаѓачите, но во блискиот град Нови Ларедо долго време доминира насилен североисточен картел. Во последната деценија, државата Њу Леон претрпе тешко насилство, поради стариот картел Зетас.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
