Неексплодирана направа од 2001 година најдена во двор

Жител на тетовско Шемшово додека копал во дворот нашол неексплодирана направа, па ги повикал надлежните институции да ја отстранат.

Полицијата добила повик од 76 годишниот А.Ш. од тетовско Шемшово, кој пријавил дека пронашол неексплoдирана тромблонска мина.

– Извршен бил увид и било констатирано дека мината потекнува од 2001 година, по што била подигната и транспортирана од стручни лица од Дирекцијата за заштита и спасување, информираше Марјан Јосифоски, портпарол на СВР Тетово.