Нелоски: Утре на протест против неспособните политики на Филипче
Власта е неспособна да обезбеди вакцини. 4 месеци откако во регионот и Европа е почната вакцинацијата, ние уште немаме вакцини. Секојдневно се разболуваат над 1000 луѓе од КОВИД 19, а бројот на починати одамна е двоцифрен секој ден. Додека Заев е вицкаст и ја замајува јавноста 3.500 животи се загубија, обвини Владимир Нелоски од ВМРО-ДПМНЕ.
„ Заев и Филипче на совест ги носат сите заразени и починати од јануари до денес, тоа се луѓе кои доколку имаше навремено вакцина немаше да се заразат или нема да ги изгубат своите животи.
Заев и Филипче мора да сфатат дека штета која им ја нанесоа на граѓаните и државата е непоправлива, и залудни се сите обиди за спас.
Потребна е одговорност, а не изјави со обид за засмејување на народот, од типот еве сега сме сигурни барем дека вакцините се безбедни. Не Заев, сега сме сигурни дека сте неспособни и дека наместо здравјето на граѓаните, на прво место ги ставивте вашите провизии.
Одговорност ќе има. Здравје, наместо провизии!
Ве повикувам сите утре, сабота, со почеток од 11:30 часот пред министерството за здравство на протест против неспособните политики на Филипче кои не чинат животи“ порача Нелоски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа