Незапаметени врнежи во Кина во последните 50 години: Предизвикале стравични поплави, катастрофата однела голем број животи
Долината на кинеската река Јангце е тешко погодена од дождови незапаметени во последните 50 години – во поплавите досега се регистрирани најмалку 140 загинати.
Речиси цела континентална Кина е погодена од невреме, вклучувајќи и подрачја на западот на земјата – Тибет и Синџијанг, соопшти заменик министерот за вонредни ситуации, Женг Гуогуанг.
Штетата е проценета на стотина милиони долари, со што ѝ е зададен голем удар на кинеската економија која се опоравува од потешкотиите поради пандемијата на коронавирусот.
Посебно погодена е покраината Хубеи која е богата со реки и езера, но поплавите сериозно загрозија и градови во централните и јужните делови на Кина.
Освен зголемувањето на нивото на најголемата азиска река Јангце, исто така и останатите реки и езера во Кина имаат загрижувачки висок водостој, предупреди заменик министерот Гуогуанг.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа