Николоски: Доколку ЛДП, ДОМ и Демократскиот сојуз ја поддржат владата или се уценети или се длабоко влезени во криминалот
Потпретседателот на ВМРО-ДПМНЕ Александар Николоски на денешната прес конференција одговарајќи на новинарско прашање на што се должи заострената реторика кон ЛДП, ДОМ и Демократскиот сојуз рече дека не смета дека е заострената реторика, туку реална, бидејќи овие коалициски партнери како што ги нарече приврзоци на владата на СДСМ седат во влада во која што царува криминалот.
Јас не мислам дека е заострена реториката, напротив мислам дека е реална реторика. Да седат како приврзоци во влада во која што царува криминалот и економската неспособност, покажува само дека имаат други интереси. Дали ДОМ е зелена партија, а Македонија е почиста, одговорот е апсолутно не. Демократскиот сојуз е партија која се промовира како партија за борба со криминалот и корупцијата, дали Македонија е подобро или полошо рангирана на Транспаренси интернешанал, секако е дека е полошо рангирана, а криминалот се гледа секојдневно, како што кажав кокаинот царува по македонските улици, вели Николоски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа