Лекари од приватното сакаат да работат во државното здравство – огласот во тек

Голем интерес на лекари специјалисти кои од приватното здравство сакаат да работат во ЈЗУ. Досега 56 од нив пројавиле интерес на третиот по ред оглас од Министерството за здравство за преминување од приватните здравствени установи во јавните здравствени установи. 

Огласот трае до 12 јули. Според информациите на zdravstvo24.mk има заинтересирани лекари од повеќе специјалности. Здравствените власти на тој начин добиваат готов кадар односно специјалисти кои веднаш се вклучуваат во процесот на третирање на пациентите.

А дека интересот е голем покажува и фактот што досега се вработени 120 готови специјалисти кои преминале од приватно во државно здравство. Бенефит покрај пациентите имаат и установите каде со овој кадар се отворени нови кабинети и е зајакнато двосменското работењепишува zdravstvo24.

Со кадар од профилот на радиолози, офталмолози, педијатри, гинеколози веќе се зајакнати ГОБ 8 септември, Здравствен дом-Скопје, Завод за рехабилитација-Скопје, Специјална болница за хируршки болести-Скопје, Општа болница Велес, Општа болница Куманово, Општа болница Гостивар, Општа болница Кавадарци, Здравствен дом Виница, Здравствен дом Делчево, Општа болница Гевгелија, Клиничка болница Битола, Општа болница Прилеп, Општа болница-Струмица, Здравствен дом Вевчани, Специјална болница за гинекологија Чаир, Здравствен дом Железничар, Здравствена станица Железара.